وشفيك متغير

يامسكرٍ هاتفك وشفيك متغير
ماكنك اللي تعوّد يتصل فيني

فالبال جتني طيوفك دايم تسير
افتحلها مجلس الخافق وتحييني

قلي علامك تراك الطيب الخير
في غيبتك تختلف دنياي في عيني

عقبك اشوف الامل في عيني صغيّر
مدري نهاية محبه في شراييني

والوقت يمضي وانا ذالحين متحير
دونك يشح الحيا فوق البساتيني

بين الوصل والهجر شفني انا مخير
وقام الشقا يدني اسبابه ويشقيني

اول زماني معك فالحب انا مسير
وتالي زماني اشوف الدرب دربيني