سجدة شكر ..!

ماكتبت الشعر بمدح فيه احد.
وكل فكره جاتني جتني بكر.

من سأل عنا بخير ومن نشد.
قلت شوف القاف تقراني فكر.

مايهيم القلب في وادي نكد.
غير قلب ٍ بالهوى خِلّه مكر.

ناسج الفكره تحت كفي سجد.
عانق ابهامي بعد سجدة شكر.

ما طعني غير نيبان الحسد.
سمها في جوف خفاقي هكر.

ماتت النخوه وشيلت للحد.
والنشاما كثر مابه من ذكر.

من زهمته يعتذر والاّ وعد.
والوعد مابين فر وبين كر.

العجاج اللي عقب وبل البرد.
حايس الفيضه وصافيها عكر.

شان حظي ثم ثوى حتى قعد.
ولو نخينا تغلبي تزعل بكر.

طبعنا ما نطرد المقفي ابد.
الغلا ماهو على قلبه حكر.

أثني الهامه لخالقنا الصمد.
في سجود الشكر والاّ بالذكر.

غيرها لو موتنا بقبضة أسد.
ماثنينا الراس لو شفنا النكر.

وكلمتي للي حقد قلبه مهد.
العفو حر ٍ وصدري له وكر.