ان مانسيت اليوم تنسى تبيعه

لـ لهيلم زايد، ، في غير مُحدد، 1،329، آخر تحديث

ان مانسيت اليوم تنسى تبيعه - لهيلم زايد

1 يطري عليّه عصر وأد الوديعه& لاشفت دفن الحلم بيدين حلّام
2 في أي دين يحل دفن الرضيعه & عمر الجهل ما رفرفت فوقه اعلام
 
3 لو برر اخفاقه بظرف الطبيعه & بدر الحقيقه ماتغطيه الاوهام
 
4 ضيعتنا بين الرجاء والقطيعه & يلهاجس اللي يصبح الصبح مانام
 
5 سرحت في رجوى طلايع ربيعه &لين ان صحتني نصيحات الاعوام
 
6 اخذت منها اللي يبيعك تبيعه & وحكمٍ على تالي الموده بالاعدام
 
7 لوجت له افزوع المشاعر سريعه & وباقي الغلا يهل دمعات الايتام
 
8 نفذ على الجاني قصاص الشريعه g ولامات قل حلمٍ خسرته من احلام
 
9 منته ترى الاول ولاهي هزيعه & حكم الولي نافذ على كل الانام
 
10 ان مانسيت اليوم تنسى تبيعه & باكر تقول اللي مضى ذيك الايام
 
11 تعوّد سوالف كن ماصار ضيعه & لو كنت تقراها بصفحات الاعلام
 
12 ولا كن طيرك فالهوى بالطليعه & ولكن طيرك في سماء نجد ما حام
 
13 وكن القدم ما داج بارضٍ وسيعه & قدام لاتعرف خفى سير الاقدام
 
14 يوم الصّدف قامت بدور المطيعه & كل المشاعر احسبت حظها قام
 
15 لو مرةٍ تصحى ومره صريعة gمن شأن من تهوى نست كل الالام
 
16 لو طاوعت عقلٍ ينادي ابّيعه & السمع والطاعه على نهج الاسلام
 
17 ماجاوبت ذيك السباع المجيعه &اللي تخطّف رزقها تحت الاظلام
 
الشاعر / لهيلم زايد المويس
© 2024 - موقع الشعر