ليه تنسى - محمد احمد السديري

في منامي زارني طيف الحبيب
قلت له يا مرحبا وش هالبطا

الجفا يا صاحبي منكم غريب
وانت ما عودتني كثير الخطا

ليه تنسى الحب يالغض الرطيب
ليه تنسى نومنا تحت الغطا

حبكم وسط الحشا جرحه عطيب
في ضميري يا بعد روحي سطا

من جميع الخلق ما غيرك قريب
من مشى تحت السما فوق الوطا

يا طبيب الروح ما غيرك طبيب
بالرضا عودتني زين العطا

جض قلبي بالحشا عقب اللهيب
من فراقك مثل ما جض القطا

© 2024 - موقع الشعر