يزيد الوجد في روحي

صباح اللي إذا شفته يحرّك فيني الطرّاق
أجيب العلم من راسي وأجيب أشياء ما اعرفها
 
 
 
 
 
حروف الشعر تنصفها وأحس القافيه تنساق
أحس أني خلقني الله عشان أكتب وأوصفها
 
 
 
 
من أعلى راسها حتى أكمّل وصفها للساق
ولو بكتب إلى بكره ما أظن أحصي وصايفها
 
 
 
 
يزيد الوجد في روحي بلمعة خدّها البرّاق
ويزول الهم من قلبي بطرفه من طرايفها
 
 
 
 
وجودي ياعرب منها على شهدٍ بفمها راق
ياليت الحظ يسعدني برشفه من شفايفها
 
 
 
 
وإذا ما طاحت الغرّه على قلبي كما حرّاق
سواد الليل في لمعه وطوله طول نايفها
 
 
 
 
إذا صارت تحاكيني غدا قلبي كم الرقراق
وكل أعضائي خانتني تخلت عن وضايفها
 
 
 
 
يالبى ذا العيون اللى تصحي فيني الأشواق
تراك انتِ الوحيده اللي على الايميل ضايفها