السفينة أبحرت - حسين العسيري

السفينة أبحرت وإحنا رفعنا الأشرعه
وابتدى مشوار قلبي في متاهات الدروب
 
 
 
والشعور اللي ملكنا ما قدرنا نمنعه
في هواكم ما حسبنا ولا تأملنا نتوب
 
 
 
 
في سفينتكم ركبنا ولا حملنا أمتعه
ساقنا شوقٍ جرفنا مثل نسمات الهبوب
 
 
 
الزمن فضله علينا كم كشفنا أقنعه
وأرتضينا في هواكم نصبح شموعٍ تذوب
 
 
 
ما تخيّرنا هواكم ولا لفينا من سعه
حدّنا وقتٍ أناني في تصاريفه شحوب
 
 
 
كيف بألقى لي طريقه صرت وسط المعمعه
عزتي للي نطحكم ولا تهيأ له هروب
 
 
 
راحت أيامه رجاوي خل صبره ينفعه
الأمل يكذب علينا والأمل طبعه كذوب
© 2023 - موقع الشعر