كتبت بحور من فيض المعاني
.............وكتبتك في سما عمري قصيده
نثرت إحساس من قلبي وروحي
....... على صدر الورق ذكرى مجيده
لك الله ما تناسينا هواكم
............ ولكن حكم ربي في عبيده
أنا مالي سوى رجواه وأطلب
.............من اللي حاكمٍ فيما يريده
يقرّب موعد اللقيا معاكم
............ويكسر شوكة أيامٍ عنيده
أنا جتني مع وصلك أماني
...........تمنيتك تكوني لي عضيده
وصرتي مطلبي يا تاج راسي
.........وسط دنياي يا البنت الفريده
يهيم الحرّ في حسن الغواني
..........ويرجع يرسمك لا خطّت إيده
إذا جيتي على باله تغنّى
......... وصرتي أغنياته مع نشيده
يصوّر من جزيلات القوافي
............عبارات الشجن فن ويجيده
إذا جاد الزمن وأعطاه وأجزل
................ تغزّل في لياليك السعيده
وإذا جاته مع الجور اليالي
..........بكى الشاعر حياته في قصيده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.