بكا سفيه الشعر

لـ متروك العنزي، ، في غير مصنف، آخر تحديث

بكا سفيه الشعر - متروك العنزي

بكا سفيه الشعر بدموع شيطان
ينحب على الماضي تعقدوريده

يلطم على وجه الفلس راح خسران
مابه جد يد وبس دمعه جديده

يشكي ويبكي والمغازي تبي شان
كنه ولاجته الدروس المفيده

ولا أغراب المحرقه قمزه اجنان
ينعق بنغمات الفقر والجحيده

اول جناحينه تشيله وطربان
واليوم مكسور الجناح وعضيده

رح دقها رجيلي ولوكنت تعبان
تمشي ولوكان المسافه بعيده

قدرك وهذه قسمتك وانت منهان
ومن هان نفسه عل ربي يزيده

وقت الشدايد تظهر الي لهم شان
ولانت تبقا يالطريده طريده

وان عدت عدنا لك على كل ميدان
أصعب من اشكالك علينا نصيده

اسهل من المويه على كبد عطشان
واخف من ريش بعواصف شديده

وحناعدانا دوم ترجع بخذلان
نقص خشم الي تعدا ونعيده

وحنا مواقفناعلى العز شجعان
ماهو يخوفنا العدو في وعيده

وحنالياصارت سلايل مضيان
نكيد مثلك بالعلوم الأكيدة

وحناربيع الجار ياطر برمان
حنا الكرم واهل العقول السديده

وحناتربيناعلى الطيب بتقان
من اسلافنا نجي علوم (ن)فريده

وحنالياشان اللغا والعدوبان
الي مثل حضرة جنابك نبيده

وحنانجيك ان ماتعدل بك السان
والله مانخلي لحالك شريده

وحناصبرناوالصبرخيربرهان
من حلمنا قلناعساهو يفيده

هذا وننظرللبقيه بحسبان
انعادهاعدنا بجد يد ونزيده

وتراه مايحصنك مسكن وبيبان
حنا تراطب القلوب البليده

ماكل شوفه تعجبك جتك مجان
شوف العقاب الصيرمي ماتريده

اذاخبطك بمخلبه تذع(ن) اذعان
ريشك تبعثربالهوا من يعيده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر