سفيه

لـ ضيدان المريخي، ، في غير مُحدد

سفيه - ضيدان المريخي

يا صاحبي ليه بعض الحب ما ينكتب
عجزت اعلمك في شيً بقلبي تبيه

غنيت للحب لين ان البعيد اقترب
بين المحاني يجيني كل ساعه واجيه

وغنيت للحب لين ان الغرام انسكب
قمت اجمعه في مكاتيبي ولا تحتويه

البارحه ما دريت ان الشجاع انسحب
اقفى وفي خاطره تالي سوالٍ نزيه

ان قلت ابخفيه يلحقني ملام وعتب
وان جيت اقوله يقولون الاوادم سفيه

مريت اسلم على نجلك وطاح الهدب
قلت اتدفى على جمر الغضا واحتريه

من يوم شرع بحوض الوجنتين وشرب
وانا ادري انه يبي يسلى هناك ويتيه

جيت اطلب النور من وجه القمر واحتجب
وانا من اول نويت اسري معه واهتديه

عز الله انه معرضني سلوم العرب
واقول ليه الجفا ويقول من غير ليه

كنه يغني جروحي وسط عود القصب
ليا تكاثرعلى كفي مشاعر يديه

واقول لعلها بالموعد المرتقب
ويجيبه الله ولكن حسبي الله عليه

تمت الإضافة بواسطة : منيرة العبسي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر