عذبتني يامولع القلب وشفيك
خليتني تآيه وأنا وسط دنياك
وجه القدر يمشي ولافيه تشكيك
وأنا معه ماشي على قد ممشاك
هذي جروحي كلها تفتخر فيك
وأكبر فخر طعنة جروحي بيمناك
خمس الجوارح داميه منك تشكيك
كل ماتطيب الغيم جاني بذكراك
خليتني صاحي ونايم أحاكيك
مجنون والعاشق رضى نفسه رضاك
غربلتني بالشوق ربي يجازيك
باللي يغربل ساعة الحلم وياك
لذة غرام الشوق ماتنتهي فيك
كل مانتهت لك تبتدي ثم تحياك
القلب من خلف الجوارح يناجيك
والعين تبكي كل ماجيت أبقراك
لو البحر في وسط عيني مخاويك
شفت السما من لون عينك تحداك
لا.. لا.. تسافر فوق رحله توديك
يم المهالك والمخاطر والأشواك
يابلسم جروحي ترى الزين كاسيك
من حد رآسك لين ياصل لماطاك
يرقص على جسمك من الزين يغليك
سبحان ربي يوم صور وسواك
جعل السنين اللي بقت بين أياديك
تحضن قتيل الشوق بيدين شرواك
أذنوب نفسي كلها من معاصيك
وأكبر ذنوبك لذة الريق بشفاك
عذبتني يامولع القلب وشفيك
خليتني تآيه وأنا وسط دنياك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.