يالمعتصم بالله

يالمعتصم بالله جاوب فلسطين
وين أنت عنها من عيال اليهودي

أشوف دم الناس والدمع بالعين
لاصار دمعي دم يجرح خدودي

ثالث بيت الله من بين قوسين
محاصرن بالموت من كل الحدودي

وعنوانها صاير رئيس العناوين
في موجز النشرات وحنا شهودي

وين العرب وين شيوخ المصلين
ياللأسف مافيه غير الرقودي

طال أنتظار البيت والهم همين
والمعتصم بالله بين اللحودي

ماعاد به معتصم غير أبو حدين
لاقام شرع الله هذا وجودي

يأمة الأسلام يارآية الدين
وين التكاتف وين صلب العضودي

خلو بنا عزه ولو كان يومين
نحطم تماثيل صهيون الشرودي

ياقادة الأمه دم الشرايين
هزو عرين الموت عرش اليهودي

ويالمعتصم بالله راحت فلسطين
ماعاد به قوات ولابه جنودي

الشاعر أحمد علي المحقني