أعشق العزّه

لـ ، ، في غير مُحدد، آخر تحديث :

خلاص ماعاد لي في هواكم شي يجذبني
غير النكد والهم والغم ويش حصلنا
خلاص أبرحل عن دروبك يامعذبني
وأنت بطريقك روح وإنسى مشاكلنا
خلاص روح وعزّة النفس تطلبني
وكلتني من لحم جسمي كيف توكلنا
ماعاد لي حيله وصبري فيك منشبني
وزيف المشاعر والتصنّع منك مللنا
ماكنت أصدق في غرامك ليه كذبني
يآلين شفت الغدر منكم توصلنا
بضمّد جروحي بنفسي لو تطلبني
وتقول خل الجرح ينزف من أولنا
خل الغرور يجيب لك شي(ن) يكذبني
وأقول للواقع ترى معهم تساهلنا
ماني بعبدٍ لك ولاتفكر تحاسبني
ولاني بتآيه وسط عينك لا تحايلنا
أنا المقام اللي يهد جبال ثم يبني
من كبريائه شموخ والطيب له نلنا
أنا أعشق العزّه وأشوم لها وتعشقني
آخير من عشق العذارى لو ماطلنا
أنشهد إن المرّ كاسٍ معك وأتعبني
والحب مات ويجبر الله عزا كل ماقلنا
أنا وقلبي مع عيوني ماتسحبني
الله أكبر عليكم بعد هلّلنا
خلاص روح وعزّة النفس تطلبني
خلاص أبرحل ياهوى طفّي فتايلنا
الشاعر/أحمد المحقني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين