اقسم لكم بالله ما خليته

اقسم لكم بالله ما خلّيته
زعّلته وعشرين مرّه جيته

ودّي يسامحني لأنّه غالي
ولانّي عزيز إن جيته وراضيته

ياصاحبي ليه الجفا والصدّه
وش له كذا حبّي ! بيوم انهيته

اللي يحنّك من هبوب النسمه
وشلون من صدتّك ماحنيته

كم مرّةٍ اجيك آسف جداً
على خطاي اللي عليك اخطيته

وكم مرّةٍ حاولت فيك مجاهد
كلّي أمل ميّت .! لكن احييته

واليوم لامن صرت راكب راسك
اللوم عدّاني وانا عدّيته

من قلت لي ابغي كليباً حيّا ؟
وأحييت لك كليبٍ .. وردّيته

#حمود_الرفيدي