خسرت قبلك في حياتي كثيرين ..!!

خسرت قبلك في حياتي كثيرين ..
ماهي خساره كان رحتي خسرتك ..

بعيش عمري بين بكرا وبعدين ..
لانك ذنوبي يوم تبتك صبرتك ..

وان كان جيتي مرحبا فيك سهلين ..
وتبطين من كسرك وانا ماجبرتك ..

روحي وحبي منهو ودك تحبين ..
ما انتي بأول حلم يومي ذخرتك ..

ماجف شرياني ولادمعة العين ..
وأكذب تراني كان ليله سهرتك ..

لأنك علاقه بين شهرن وشهرين ..
جيتك ولكن في سهوله عبرتك ..

وتبقي غلاتك في عيوني وتبقين ..
أجمل صداقه في حياتي خبرتك ..