هذه الابيات رداً على ابيات وصلتني من الاخ/ موسى هذال العتيبي على الجوال. - محمد البياضي

وانا بعد ماانسى الرجال الحشيمين
بيض الوجيه الليّ يشرف لقاهم

في حزة الشده وفي ساعة اللين
ما يختلف رجالهم من وفاهم

للضيف وقفتهم من يسار ويمين
من قبل لا يقرى يحس بنباهم

وان ضاقت الدنيا وصغرت فيا العين
يطري علي طيب الرجال ووفاهم

اذكر رجاجيل ٍعلى العز باقين
من وقت ماخلقوا وذا مستواهم

والليّ زبنهم جاه ٍاودم ٍاودين
يبشر بعزه منهم بما نصاهم

وانته حداهم يازبون المخلين
عتيبه الهيلا وربي عطاهم

طيب الرجال وفهمهم بالقوانين
سلطه وهيبه لويعتم سماههم

وان جيت اقصد فيك ماهو ببيتين
لانك من الليّ خاطري مانساهم

ووالله ياابو سامي بقلبي من سنين
والقلب مابه غير ناس ٍغلاهم

منهم جنابك والرجال العزيزين
والوالدين الله يسدد خطاهم

© 2024 - موقع الشعر