ابيات وجهتها للخال / عبد الله على اثر لومه لي لعدم حضور مناسبه ولم اعلم عنها . - محمد البياضي

بالعون ماقصرت كفيت واوفيت
كفى حضورك عن كثير الجماعه

فاالواجب الليّ له تعبت وتعنيت
من شان رجال وطويل ٍ ذراعه

رجال له شيمه وقيمه وله صيت
عبد الله الليّ فيه طيب وشجاعه

يستاهل التقدير من يفتح البيت
لضيوفه اللافين في كل ساعه

وعياله الليّّ لجلهم كم تمنيت
اني حضرت مشاركاً من قناعه

لا تلومني ياخال من شان ما جيت
مدري ولا ادري حفلهم باي قاعه

ولا تلوم عقب الوالد الحي والميت
حنا رجال وحافظين الوداعه

لو كان جانا علم مااغضوا ولاغضيت
متواصلين ولا نعرف القطاعه

© 2023 - موقع الشعر