يا حيف عالرجال

سهرت ليلي وعيني ما ذاقت النوم
أفكر بقلبٍ بقربه شقينآ

في هالزمن حق الرجآجيل مهضوم
يمشي كلام البنت غصبٍ علينآ

أحدٍ عشان البنت في ربعه يسوم
واحدٍ يصد الوجه لامن طرينآ

واحدٍ إذا دقت عن أصحابه يقوم
واحدٍ ولا يآبه إلامن حكينآ

يآقلب لا تقسى على الوقت وتلوم
اشره على اللي اشترا وبآع فينآ

دآم الرجا في قلبه اليوم معدوم
هدمت كل مآضي باسمه بنينآ

يآحيف عالرجال لا صار مهموم
بأسباب بنتٍ فرقتنآ بخوينآ

وش حيلتي أبحرت ما أعرف العوم
غرقت من صدمه ولا من يجينآ

مآلي على هالناس لا صآرو رخوم
كلن يمثل حآلته وش علينآ

أنا كثيري ولابتي علومهآ علوم
ربعي نشاما من زمانٍ وفينآ

ياجعل ربعي والقبيله معي دوم
لو ابنعد افعآلنآ مآحصينآ

وياللي مقفّي / عنّك النفس بتشوم
مصير هالدنيا تدور وتجينآ

من الغلا عريآن وتدوّر أهدوم
تبي اتستر حآلتك تنتخينآ

الشاعر : محمد الحيص