هذا غرامك بحر واسرارك امواج ..!!

هذا غرامك بحر واسرارك امواج ..
وانا غريقن وسط جزرك ومدك ..

جيتك ولاني جيت ميت ومحتاج ..
اكبر طموحي بسمع اليوم ردك ..

لا صار حبك برج من فوق الابراج ..
لكن ظروفك دون حبه وضدك ..

وانته طباعك صبر والصبر منهاج ..
ومفتاح صبرك ضاع من وسط يدك ..

مدمن غرامك مالقينا له علاج ..
واشواق روحك يم روحه تشدك ..

مشهد حزينن دون تمثيل واخراج ..
كانت بطولة (ضيق عمرك) يحدك ..

وانا عزيزين فوق في برجي العاج ..
ونصحت قلبي كان يقدر يهدك ..

سجين حزني واطلب اليوم الافراج ..
والعمر فدوه كان عمري يسدك ..

والحزن شفته كيف انتاجه انتاج ..
عشاق اسامي , دون طيبك ووردك ..