يـاكـويـت - خالد النبهان الشمري

ياكويت عزك باقين طول الازمان
من صدر وافي كاتب(ن) فيك قافه

قلت الحقيقه لا ولاني بغلطان
بأحساس شاعر كان هذا اعترافه

عاشق ترابك يابعد كل الاوطان
واشتاق شوقن لو تطول المسافه

الدار زانت واكتست حلو الالوان
قاصي وداني يوم هالزين شافه

جملة موسيقي تنعزف بأجمل ألحان
وانبت خزام الورد بعد الجفافه

والارض صارت قاع جنه وبستان
نبطي بوصفه كان فيها وصافه

خمسين عيدك عاد غالية الاثمان
والشعب واحد كان هذا هتافه

دامك بو ناصر قايده وانت سلطان
جدا طبيعي يوم شفنا ألتفافه

والكل يدعي طفل شايب وشبان
تحفظ كويت العز من كل أفه

دار الصداقه والتواضع والاحسان
مافيه شين دون حبك نخافه

يانخل عالي في فروعه والاغصان
ياقلب طاهر ممتلي بالعفافه

وانا مواطن موت حبك ولا خان
قصة غرامك من سنين عجافه

حضر وبدواه كلنا ربع واخوان
رغم اتفاق الراي ولا اختلافه

واكبر دليلن عام تسعين الاحزان
قالوا يهون العمر ماهو حسافه

© 2024 - موقع الشعر