يامن يجندني مع صقور نايف

يامن يجندني مع صقور نايف
والبس لبس عسكر وارد المعادين

لو كان لي قلب وضلوع ن نحايف
بي همةٍ تفصد عروق وشرايين

يادارنا لااشوف دمعك ذرايف
ماباعكم ياكود ناس ضعيفين

دونك فهود(ن)ماتعرف النصايف
امّا تروح الروح والاّ سلاطين

اطفال والشبان صاحي وهايف
من دون دار سعود خضنا ميادين

واللي يعشق الموت عشق الولايف
فخره تروح الروح لاجل العريبين

ومن راح يلقى عند ربه خلايف
ومن عاش دوٍّن فالبطولات تدوين

واللي عصف في دارنا بالعصايف
مايدري ان الموت حتف الثعابين

حنا فهود(ن) مانحسب الحسايف
نقتل ولانحسب على الروح تامين

واللي فقد امنه عشان الوظايف
ياكيف ثمن حاجته وارخص الدين

يمشي مع العدوان ماهو بشايف
مايسمع جموع الردا تصرخ حسين

يبغى السفن تلطم بليا جدايف
همه جموع المال لو راحت العين

والحق حق ودايم الشر زايف
وحنا جنود سعود ذي بين قوسين

نقدم مثل من هو عصف بالكلايف
وكلن يقول اليوم بنعيد حطين

ويادارنا لاتجزعين الحسايف
ماخانكم غير الردا والرديين