رثاء الأمير نايف (نايف الامن )

لـ حمد شافي، ، في غير مُحدد، آخر تحديث

رثاء الأمير نايف (نايف الامن ) - حمد شافي

سحب الحزن .. هلت دموع المقادير
والجوّ صيف .. ودمعها في يديها !!

من موتة اللي حبه اكبير واصغير !
والكل عزا عينه بدمعتيها ..

يا كبرها سلطان ثم نايف الطير
راحوا وداري فاقده توأميها ..

احزاننا عمّت وشارك بها الغير
وهذي السعوديه .. بكت مقلتيها !!

يامن زرع بقلوبنا كل تقدير !!
ل افعاله اللي كل شخصٍ يعيها

خلا المواطن يجتنب اي تأثير !
قومٍ حكت به .. من حقد يكتسيها ..

ناس سعت تبغى خراب البلد / مير
هيهات والنايف وقف يحتميها

والديره بنايف ترى تعتبر غير !!
اهو سهر / يوم الشعب نام فيها

الله عطاها.. نايف الأمن والخير
اللي لحرصه خاف ( منها عليها )

ف امان من يغفر لنا كل تقصير ..
للي لاحب اعباده ب / يبتليها ..

فمان ربك جعل مسكنك يا امير
الجنه اللي كنت/ تدعي تبيها

نايف وطن / ف قلوبنا والعهد خير
كل الدول من حكمته نعتليها

في ذمتي ما للمصيبه تعابير ..
( دام البشر تفقد وطن محتويها )

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر