ياخالد اليا لمحتك شفت لي غالي
شخصِْ توسد ترابه وانفنى جسمه
عجزت اصدق عيوني وانظر قبالي
هذاك زوله وحتى الاسم هو اسمه
لو لا الحيا لاحذف الغطوه مع الشالي
واقول شوفوا اخوي بعينه ورسمه
اتخيل الزول وأفزع يالله الوالي
ترحم قليبِْ عرف بان الامر قِسمه
ماعاد شين مع الايام يهنالي
واحس كني بقايا وجبتن دسمه
حتى ظلالي لا بالله ماهي ظلالي
والوسم ضيع طريقه واختلف وسمه
ويلي على لمته واطفي الصالي
لكن حال القدر والحال منحسمه
افقدك ياللي فدوك رخوم وانذالي
وملامح الحزن من فرقاك مرتسمه
يالله ياالمقتدر ياالواحد العالي
تجبر كسيرِْشعر باالروح منقسمه
يالواحد ادعوك وكلي ذل واجلالي
تجعل جنان النعيم بحظه وقًسمه
ولا انت تشبه حلايا واحدن غالي
الغايب اللي رحل لكن حفر اسمه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.