حتى القمر

أحيان ألاقي فيك نفسي وأحيان
ألقى شتاتي من بعادك تنثّر

شوف الزمان شلون ما فارق أزمان
حتى ( القمر ) لا غاب نصفه ( تأثر )

شوف الأراضي كيف ما تنقسم ( سان
تي متر ) من طين وتراب وتحجّر

هذا أنا حطيت في بالي إنسان
نبضه وسط قلبي .. وقلبه تخثّر

أشره على غيبات عينه ولا بان
وان مرّ طيفه جيت كني مُسَخّر

حسبي على لوعات حبي والأحزان
ما تجبر الخذلان وخاطر تكسّر

نصفي فقد معشوق والنصف عشقان
يجرح هجيري برد / هل من مُدثّر ؟

يسقي عذابي صدّ وانام ظميان
يطْوَل حنيني مدّ وصوبه يقصّر

أحلم بذاته ردّ والفيه هيمان
واصحى على ذالجدّ وحدي أفسّر

كيف الغرام يكون في يوم نسيان ؟؟
كيف الغرام يصير لحظة تحسّر ؟؟