إيه القصايد بالمواقف لها دور
وبعض المواقف تستحق الجزيلات
واليا طرى صقر العروبه على الفور
تزوم في فكري جزيل العبارات
فكرة بفكرة والشعِر هل منثور
وخط القلم يجمع على الطرس الأبيات
لا باس يا فخر العروبه وماجور
كل العرب لك رددوها سلامات
الله يحفظك ياذرى شاكي الجور
يا هامةٍ فاقت صراع الحضارات
يا خادم البيتين بالفعل مخبور
زعامتك فاقت جميع الزعامات
طهور يا كف الصخأ صايب الشور
وبإذن الولي هذي نهاية معاناة
ولو المرض ينقل حملناه بالدور
بس المهم سلامتك كل الاوقات
سلامتك يا سيدي تشرح صدور
شعباً على شوفك يسوق البشارات
شعباً يحبك حب ما خالطة زور
وغيبتك يحسبها ثواني وساعات
شف كيف صف الشعب طابور طابور
وفي عودتك عاد الفرح والمسرات
يا سيدي الله يديمك لنا اعصور
حنا يمينك لا غشى الوقت عثرات
حنا لكم طاعة الى نفخة الصور
الله ومن ثم الملك والقيادات
ومادام ابو متعب لنا عاد مسرور
أيو الله إنّا بخير وأمن وسلامات
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.