امه دعتله ليلة القدر بألحاح - خلود الهاجري

امه دعتله ليلة القدر بألحاح
اللي خذاك اليوم ياشيخة الزين

رقة ندى وبعطرها الجو فواح
محظوظ منهو بوسط بيته بتعيشين

عسى حياتك يالغلا كلها افراح
ومبروك ياللي مانخلق منك ثنتين

احلى عروسه وكل من شافها طاح
معذور يمكن ذاب مع نظرة العين

عسى حياتك مابها هم وجراح
وعسى الفرح فيها شعار وعناوين

وحبك بوسط القلب ثابت ولا راح
ولا بحت به بس اغلب الناس دارين

الهم كله بشوفتك بس ينزاح
واللي بقربك اشهد انهم سعيدين

انتي بظلام الليل لنا نور مصباح
وانتي وفيه ونادر اللي وفيين

وختامها يالله ياقابض ارواح
تسعد عيون اللي لها الكل شارين

© 2024 - موقع الشعر