خابت امه

البدع
*
مرحبا يا من اغلانا ويامن رفعنا عن دنا
 
يتفق راينا مادامت اقلوبنا تزعل وترضى
 
قد فتلنا الحديد وقد نقضنا العقود المحكمه
 
يوم صكت علينا الفتنه ابوابها تسمع لنا صك
 
بسلال(ن) ومقلوت(ن) يقص اللحم والمشكله
 
قد قصرنا يد الطماع عن قبضة المال المعين
 
ولنامجد عالي في جميع المواقف ناصفه
 
يوم ننزل بوادي الخوف تسمع لربعي فيه ديه
 
واصبح المال من حول المحامي يدور وينشرا
 
في يدينا بلاجيك(ن) على الخصم ركّزنا علومه
 
وا حصدنا ودسنا فوق غيض العدو ورضيته
 
من تمنا يلاقينا نجرنا على كبده بناجر
 
غطرفي ياعيون الشوق من فعل ربعي والعبي
 
واتواريخ تشهد ماشي اشد من ربعي ولدها
 
خشع ابليس وانشقة عيونه وخابت ليلته
*
الرد
*
عام الول تعبنا في قضية يتيم(ن) عندنا
 
قامت المحكمه ظده وهو يدعي في قطعة ارضى
 
وتقدمت للدعوا وقابلت قاضي المحكمه
 
ادعينا معى خصامنا وظهر القاضي لنا صك
 
وانتهينا وعالجنا القضيه بحل المشكله
 
وانا لي شرط ماتوكل له الا على مبلغ معين
 
وان ما سدد وكمل شرطه اخذ من ارضه ناصفه
 
قال مشكور يا ولد ابن منصور لك عندي هديه
 
والهدايا على قدر الجزا لاتباع وتنشرا
 
واثر ما قصده المتخلف الا يجوزني على امه
 
وايسدد بها دينه وتعطيه صك ارضيته
 
نقّشت زندها وكفوفها بالخواتم و البناجر
 
واتحنت وغطت راسها بالفايف والعبي
 
ورفضت الزواج ابغي قضات البلد تسجن ولدها
 
خابت امه وخاب ابوه القشر وخابت ليلته