أبيه

أبيه ابهيبته زره .. ورورح النفس آسرها
لقيته من سكن قلبي وهو ما غيرهْ فْ فَحْوَاه

بِهيبه / تخطف اعيون القلوب اللي تناظرها
ورزه / تهدم اجسور الوصل بيني وبين اسواه

وروح(ن) / تجذب ارواح(ن) لقت في الناس خاطرها
ونفس(ن) / تأسر أنفاسي وتستنشق معي أهواه

واقول الله من حظ (ن) رماني عند حاكرها
حبيبي صار لي بيتي وجفني والدمع مرواه

سَكَنْه ابداخل اهدابي وميقاته محاجرها
تسبّب من نظر عيني بِطَعنات الألم والآه

ذرفت الدمّ من شوقي لساعات أهوَ عامرها
للحظات الوداد اللي تعوّدته على نجواه

سليت فْليلة(ن) عذرا عن احروفه وحاضرها
لقيت أبيات فالماضي كتبها علّني أنساه

يِحَسْب القلب فيديني وهو يتبع أوامرها
نسى إنه خذا قلبي / قسى / روّح ولا لبّاه

وش اللي ممكن اتجيبه مزوني مع خواطرها
إذا كان اللي ساكنها رحل والكل بي عزّاه؟

وش اللي ممكن اتفيده دموعي لو أناثرها
مدامه فالقبر ياللي من اترابه غدا مكساه؟

أنا من لي سوى صبري وهالذكرى أكابرها
أنا من لي سوى ربي يقدّرني على بلواه

تمنّيت اني ما شفته صور واحلام كاسرها
يَ ليته ما عرف مثلي يَ ليت القلب ما ناداه

حبيبي هاذي احروفي تنادي لك محاورها
وتدعيلك عسى تنعم وقدرك بالعلا تلقاه

إلين اليوم أشم عطرك وأثوابك أعَطّرها
إلين اليوم أحب شعرك وشعري بالغلا مسّاه

إلين اليوم أنا همسك ونبراتك أسامرها
إلين اليوم ضحكاتك ومبسم شفتك محلاه

إلين اليوم أتذكر تفاصيل انت شاعرها
إلين اليوم أتلذذ بِتِكْرارك سطر تقراه

إلين اليوم أتنهّد ... وأتنهّد ... وَحَاورها
صنوف الرغبة المثلى تناديلك على رجواه

أبيك ابهيبتك رزه وروح النفس آسرها
لقيتك من سكنت القلب ماغيرك ملك فحواه