الا يا عيونٍ فيهن الزين ماله حد &على قد ماتاصف وراء الوصف متعدي - لهيلم زايد

1 الا يا عيونٍ فيهن الزين ماله حد &
على كثر ماتمدح وراء المدح متعدي
 
2 توارد اسهومٍ من لواحظه ما تنعد &
اشوفه يدمرني وأنا ويش في يدي
 
3 ولو للهوى قاضي ابا اطلب يقام الحد&
عليها وانا اللي عارف الحكم والحدي
 
4 ليا شافها القاضي تلعثم وعني صد&
وحكم بالقضية كلهالاجلها ضدي
 
5 سلامي على خدٍ يوصف عليه الخد &
ليا صار منه شوي قيل أجمل الخدي
 
6 وخشمٍ شبيهه سلة السيف قبل يهد&
مثل سيف ابن دحام في نطحة الندي
 
7 جمال عليه الزين كله عليه يعد&
ليا شافها الزاهد فلا ظنه يصدي
 
8 جماٍل تفرد به وغيره عريبة جد&
ومن جابها حظه يبي يقول من قدي
 
 
 
الشاعر/ لهيلم المويس

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر