الليل ماله عيون

هان حزني عليك .. وهان دمع هما
العفو ياجروحي .. كنت احسبه يمون .!

كنت أظن السراب (يبل ريق الظما )
ويابس الريق , ماتسقيه بعض الظنون

ضاع حلم على (صدر العتيم ارتما)
ماكذب من يقول : الليل ماله اعيون

صاح همك حزين .. وجيت مثل العما
اثرك بخير؟! ( لاهم ولا يحزنون)

اسكني عذب شعري واقعدي ريثما
اجمعك من خيالي , والحشا , والجفون

وأكتبك من حروفي قصة قلما
يطلعها اللبيب .. الا اعتراه الجنون .!

وأكتسي فكري اللي عن مداهم سما
وخلي أعيونهم تقرأ .. ولا يفهمون

ادري ان لك مع هالساذجين انتما
تشتري مثلهم .. وتبيع مايزعلون

يأتلع الجيد والله ..! لو تحب السما
او تكون بخبر (كان) فلا عاد تكون ..!!