عالم أحباب

بي في صميم الروح جرح(ن) ولا يطيب
صارت ثلاث اسنين للحين ما طاب !

مدري علام الوقت فبعاده ايغيب ؟
مدري علام الطيف ساكن ولا غاب ؟

دمعي على طاريه كل ليله ايشيب
دمعي طفل بالهم بدري إذا شاب !

مرّت حروفه يوم تتشمّت اتعيب
مرّت حروفي دوم ما شَيّ ينعاب

ربي على رجواه عالصبر بيثيب
ربي على فرقاه عادل وهو ثاب

بدري نعيش الهمّ بدري له انصيب
بدري ولكن صار والغمّ له صاب !

فقده كما لو جا لك انسان حَسّيب
يفتح يبي يحسب ولا حصّل احساب

أو هو كما تلقى وسط قلبك اقليب
يركب على قالب له العمر قلّاب

إليا رحل قلبي مع انسان حبّيب
وشلون أنا بحيا وسط عالم أحباب ؟؟!!