وجه الهبوب

كان دمعي مع هبوب الهوى الغربي ذرّف
البلاء اني شابح الشوف في وجه الهبوب

لاح ليّ زولً على طول شوفي وانحرّف
والقوافي عوّب والحب ذنب من الذنوب

بالخصال اليوسفيّه وهندام الترّف
وعودها الميّاس بملاعب النسّمه لعوب

شايف وعود المحبيّن سيلً منجرّف
أنفيّ اغلبها وانا في هوى ذيك مغلوب

بيّن أعرّف عن جميع المشاعر واعترّف
وإلا اخلي جامد الماء على مهله يذوب

من بحور الشعر بقعد من الدرّ اغرّف
لين يلبس كبرياها الرضا والولف ثوب

وأدريّ ان ليّ المهابه وتيجان الشرّف
لا سلمت من الشماته وتشهيّر العيوب

بس قبل انهيّ القصيده بقى منها طرّف
كل شخصً له مكانه من الناس مهيوب

يا سعد وش رايك انهيّ القضيّه واعترّف
المحبه تالي الوقت ذنب من الذنوب