يـآسلطــآن ..

اليوم حالي بين ضايق وطفشان ..
والبال يشكي من هجوسه وضيقه ..

ذكرت خلي راعي الطيب والشان ..
اللي بحبه روح خالد غريقه ..

جيته لداره فيني احساس ولهان ..
ودي اضمه وانتعش من رحيقه ..

لكن وقتي دار دورات الازمان ..
واسدل بوجهي للحقايق حقيقه ..

اثره لغيري يتبع افكار خلان ..
وانه لغيري راح يعرف طريقه ..

مادري زماني او هالقلب غلطان ..
والحزن خيم فوق نفسن عويقه ..

اثر المحبه كنها لعب ميدان ..
صار الخوي يغدر وينسي صديقه ..

امحق رجوله كانها لعب ورعان ..
اكبر همومه كيف عنده رفيقه ..

هاك الحقيقه وانت عارف هالاعلان ..
مابيع ربعي لجل بنتن رقيقه ..

يبقي شموخي فوق عالي بالاثمان ..
والنجم يفرق في معاني بريقه ..

هاك الرساله وانت عارف ياسلطان ..
لعب الجهاله والله اني ماطيقه ..