العزة : قبر

الوطن اشلاء والعزّه قبر
والظروف القاسية تصنع رجال

يا مسَوِّم عزّتك بادنى سعر
وش يفيد المال في وقت الرحال !

الفقر لو ضيق في عز و فخر
اخْيَر مْن الذل في نوم ٍ ومال

يا جموع الهرج يالبَدو الْحضر
كالغراب إحتار مايوصل منال

لا تبرّى من أصل لجْل الزّخر
إفخر بْ ما انت توصل للمحال

ليه يا دنيا تزيدينا قهر ؟
صارت مروءة رجال ٍ باضمحال

تنتهي سهراتنا ب اسمر عبر
والشعب بالقُدس في حرب و قتال

ليه سوء الخُلق اصبح منتشر ؟
ليه نرمي والدليل : فْلان قال !!

كيف تتغيّر مفاهيم البشر ؟
والضباب يْعم كل جال ٍ وجال

القريب بْ ذالزّمن طبعه غدر
الطعون تْجيك من بعْد الوصال

والكذب ما فارق الشّفه شبر
الحقيقه حبْر والصفحه رمال

المجامَل دايم الدوم ب جهر
والصراحه: نور خافت بالليال