اسمِّي قبل اشوفك.. - ماجد بن محيا

اسمي قبل اشوفك واسمي يوم لقياك
واسمِّي كلما تطري الصوره عليه

انا ما كنت اصدق بشوف انسان حلياك
عن التوصيف تعجز حروف الأ بجديه

الا سبحان ربي عظيم الشان سواك
عطاك الزين كله ولا بقى بقيه

انا ما الومه اللي يبيع العمر لرظاك
والا ياحظه اللي تقول انك خويه

لو انه سار حافي لعينك فوق الأشواك
ولو يمشي على جمر ما يوفي مجيّه

حقيقه ما تخيلت اشوف انسان حلياك
اسمي كلما تطري الصوره عليه

© 2024 - موقع الشعر