أخاف لا ذبتي فيه يفاجئك غدره - أحمد العولقي

يا بنت روحي بطريقك ماني مجنونك
ترآ جنونك ما هّزِّ بدآخلي شعره

ما طحت في حبك ولا ذبت بعيونك
ولا سحرتي عيوني الثآقبه بنظره

ماني اللي يعطي عهوده ثم ما يصونك
ولاني من حبّ ذنبه و اعتنق وزْرَهْ

ولاني من قآل وافي وخلفك يخونك
ولاني من حَبْ وحده وثانيه وعشره

ولاني من قآل عمري ضآيع بدونك
ولاني من قآل كآذب إنتي القمره

إنتي بشر والبشر كلْهُمْ يساوونك
لك عين له عين لك شعرك وله شعره

وانا لي طبع وصفات ٍ ما يعَجْبُونِكْ
أغضب أهاوش ألوم وأحترق واشره

مثل الطيور اللي طارت حرّه بكونك
أحب أحلّق وقلبي كآره ٍ أسره

مثل الرياح اللي رفّتْ منّها جفونك
أنا كذآ لا طروني رفّت النظره

يمكن وقعتي بغرآمي وهاضت شجونك
بس صدق ما احب ربط المود والحشره

أنا لي مضمون خالف وجه مضمونك
وانا اللي إبليس مني مآت من قهْرهْ

وانا اللي ما يرتجف قلبي من جنونك
وانا اللي قلبه مصآحب جن من صغره

وانا اللي لا هاج عكّر صفوة سكونك
وانا اللي دمي سعير وقلبي الجمره

وانا اللي مخبول زي ماهُمْ يحاكونك
وانا اللي مشغول بآله بسّ فِي شِعْره

ف بليز روحي لبآقي الناس يكفونك
عن حبي دامه غرآمي حالة ٍ خطره

موتي بغيري وذوبي بس على هونك
آخآف لا ذبتي فيه يفآجئك غدره

أما انا مابي أحاسيس ٍ يحبّونك
لنّه شعوري توفّى وانقضى أمره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر