نسخة إلى : ارشيفك وحضرة جنابك - عبدالرحمن غانم الدوسري

يابنت انا احساسي نخاك وكسرتيه
خاب الرجا يوم اختصرتي جوابك

يابنت روحي مع من أنت ِ شريتيه
عسى السعد ملفاه الى عند بابك

يابنت أنا تذكار وضاع ونسيتيه
جعل البلا ينساك الى من هقا بك

يابنت أنا قلبي جريح وطعنتيه
زودن على مابه تلقىَّ حرابك

قد كان يحسبك انك أنتِ انتشلتيه
من الغرق لكنّ خاب الرجا بك

حتى الموادع بالسلامة حرمتيه
عسى الولي ما يحْرمك من شبابك

أودِّعك ياختم حبٍّ قتلتيه
نسخة إلى : ارشيفك و حضرة جنابك

© 2023 - موقع الشعر