بمناسبةشفاء الملك

لـ ، ، بواسطة عشيان بن سليمان، في غير مُحدد

المنسابة: مشاعر صادقه بمناسبةشفاء الملك عبدالله بن عبدالعزيز آل سعود حفظه الله

سلام مني للملك عالي الصيت
سلام للي له وقار ٍ وهيبه
تحية الاسلام باحلى المواقيت
تحية ٍ من خاطري نبتدي به
مثل الذهب اللي تصوغه نواحيته
واحلى من در البكار بحليبه
حييت ثم حييت حييت حييت
يالعاهل اللي كل شعبه حبيبه
ياقايد الاسلام ياخادم البيت
بشر عسى حالك تزايد بطيبه
والحمد لله يوم طبت وتعافيت
ونحمد اللي جابكم عقب غيبه
اكفيت شر الحاسده والشواميت
واكفيت شر المعضله والمصيبه
سبع حصوات فوق روس العفاريت
وابليس يرجم في حصات تصيبه
حيث انت تسكن بالقلوب وتعليت
ريف الارامل والضعوف المسيبه
وسلطان حر ٍ في يمينك اليانويت
سيف ٍ مجرب باتع ٍ ينهوي به
ونايف اللي ثبت الامن تثبيت
واحمد عضيده كلنا نقتدي به
امحطمين الطاغيه والطواغيت
ومسهلين ٍ حج مكه وطيبه
نسل العديم اللي وردهن على هيت
من الكويت اليا يما وردن قليبه
ياما سرا في ليلة ٍ بالمناعيت
مع جرهد ٍ بعض الرجال تغدي به
يمسي بها حي ويصبح بها ميت
فوق العبيه فوق كور نجيبه
وجمع شتات المملكه عقب تشتيت
عبدالعزيز اللي فعوله رهيبه
ويالله ياقابل الدعوه اليا دعيت
في جنة الفردوس يالله تثيبه
وصلاة ربي عد ماصبحت وامسيت
على الرسول الهاشمي وانتهي به
___________________________________
عشيان بن سليمان

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر