يالعبد

بديت باللي عن الظلم ينذرك
الواحد اللي عالم ٍ وش مصيرك

اللي نهى خلقه عن البغي والشرك
وهو اللذي ياراك يحسن مسيرك

من طين تراب ً محسنك ثم صورك
يعلم البين واللي بخافي ضميرك

يالله تجعلنا بالفسيحات نذكرك
نعبدك يالله مالنا رب غيرك

يالعبد ربك في حياتك مدبرك
واحذر تضايق والولي هو دبيرك

هو الذي من غابة الظلم يظهرك
وهو اللذي بيديه شرك وخيرك

وهو اللذي بالسنع ينهى ويامرك
واليا صفط لك شي يفتح بصيرك

واوصيك يافتى عسى الرب يسترك
بعدة معاني حطهن في ضميرك

حذرا تصافي من مايمشي بخاطرك
وحذرا تشاور واحد ٍ مايشيرك

وحذراك تجي لواحد ٍ دوم هاجرك
لو كان عندك بالمنازل قصيرك

ولاترافق اللي بالنميمات يمغرك
يضحك قبلك وبالمغيبه يعيرك

ترا الردي يالقرم لازم يدهورك
ياحل بك مكروه ضيق حصيرك

خلك مع اللي بالوازم يناصرك
الطيب اللي بالوازم خشيرك

اللي يا صار مصيبة ً مايتعذرك
ياجيت يمه قال خله بسيرك

الطيب اللي بالمهمه يزاولك
هذاك خله ياسنافي عشيرك

ياجيت يمه قام رحب وقدرك
ون غبت عنه سال ٍ وش مصيرك

واطلب وليك لاعل الرب ينصرك
واللي مرامك حكمه في ضميرك

واحفظ صلاتك واطلب الرب ياجرك
وعن الخطا والضلم ربك يجيرك

وحذراك تمشي مع طريق ٍ يحدرك
ترا الجهل يالقرم يهدم مصيرك

حذراك ياسامع هرجتي ثم انا احذرك
دنياك يالمنعور لاتستعيرك

حذراك تراخى لزمن تره يغدرك
والوقت يغدر والتجارب خبيرك

يالله ياللي كل العباد تشكرك
ياللي بكونه مايغمض نظيرك

يامظهرن نوح ٍ من اكبر مخاطرك
انك تجعلنا من تبوعك نذيرك

ويالله صلاتك عد ماهل ماطرك
على النبي اعداد ماطار طيرك

___ شعر : عشيان بن سليمان