الجوف زانت

لـ ، ، بواسطة عشيان بن سليمان، في غير مُحدد

المنسابة: مما قال هذا الشاعر ترحيبيه بصاحب السمو الملكي الأمير عبدالأله بن عبدالعزيز آل سعود عندما عين أمير ٍ بمنطقة الجوف

سميت باسم الله خلاق البشر
يعلم نواياها ويحصي أعمالها
من بعد ذكر الله بديت بالمثل
أرمي هزيل القاف وأخذ أجزالها
حييت ياولد عبدالعزيز الصيرمي
اللي ثقيلات الحمول أرتكالها
الجوف زانت واستهلت وامطرت
أزهر زهرها واخضرت اسهالها
غرد القمري والبلابل بالسماء
جو المحبه والسعد وصفالها
لبست ثياب العز بحسن بهاها
مثل الهنوف تللي زين جمالها
تجملت وأستحسنت وأستبشرت
وعبدالآله اليوم وفى اخصالها
أهل العليا كلها فيك رحبت
على عهد الماضي اللي مضالها
متواجدين وعلى روسها شيوخها
تواجدت في صوير لجل أحتفالها
نرفع لكم اسما آيات التهاني
باسم قبيلتنا وهذا استقبالها
بقدومكم يا أميرنا زاد الفرح
فرحت بكم المنطقه ورجالها
يامرحبا بك عد ماخط القلم
وأعداد ماترفي الصقور عيالها
يامرحبابك عد ماهل المطر
واعداد مانبت الشجر بارمالها
نقولها بالحب والصدق والوفاء
ترحيبت ٍ من مخلص ٍ لك قالها
ياسيدي جيتك ماهي غريبه
أنتم ملوك المملكه وابطالها
انتم اهل التوحيد والعز والصخا
انتم حماة الوطن وظلالها
لكم فعول للخلايق واضحه
تصعب على اللي غيركم مانالها
عبدالعزيز اللي جمّع شملنا
من شرقها لجنوبها لشمالها
يوم المعادي والمعارك طاحنه
عبدالعزيز الصيرمي خيالها
عساه في جناة ربي مخلد
تقبل دعوتي يامرسي جبالها
وهالحين حنا بالعهد مع الفهد
اللي السياسه والرياسه طالها
فهد ملكنا مانخالف رايه
كل المشاكل دون شعبه شالها
سوا مشاريع بها فود للوطن
حتى البحور اليوم نشرب زلالها
تعيش ياولي العهد عبدالله
فكاك صعب معقدات حبالها
سلطان درع ٍ للوطن سم العداء
لايزاد في بعض النفوس اذهالها
ودمتم لنا ياطيبين الفعايل
والمملكه دامت بعز رجالها
وحنا سعوديين على الخير والشر
ان بدلت احوال بغير أحوالها
لاخير برجل ٍ مابعمره يفادي
يوم ٍ اعيال ابليس غزت أذيالها
هذا الوطن مالنا وطن غيره
يبها فصيلة دمنا وأنتمالها
تقبلوا تحيتي واحترامي
وابيات شعري قلتها في مجالها
تمت وصلينا على سيد البشر
اللي يبين حرامها عن حلالها
____ شعر : عشيان بن سليمان

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر