عمرك 
 أهداء
 لملهمتى 00 
 أيقنت أن الحب لايشترى
 حتى بدم شريان الحياه
 النص
 عمرك غمضت عنيك ؟
 وفتحت بيبان آحلامك ع الآيام 
 وطفيت الشمس فى بحر سماك
 وسمعت آحساسك يترجاك
 إلحقنى بسرعه أنقذنى من الاوهام
 ووقفت بروحك بين جبلين
 وسألت دموعك هتروح فين
 دلوقتى الساعه كام ؟؟؟؟؟؟؟؟
 وسكن قلبك الخوف لسنين قدام
 عمرك غمضت عنيك ؟
 ورميت بسنين العمر فى قلب البحر
 ولبست أشواقك قسوة وقهر
 وبكيت الحضن المفقود
 وقعدت تستنى العواد يعزف ع العود
 ,عطشت شربت الحنضل مر الدهر
 وحفظت كل كلام الحب الموعود
 ,صبغت بلونك كل آبيات الشعر
 عمرك غمضت عنيك؟
 لفيت بين الطواحين 
 احترت ف قلبك من مين ولمين
 ,صرخت فى وش الدنيا
 بعلو الصوت وخدانا لفين
 وسكنت أكفان الحلم المدفون
 فى الارض البور 00 فين العصفور
 ,سافرت بعقلك فوق السور..
 عديت
 لكن مكسور ورجعت حزين
 عمرك غمضت عنيك؟
 ركبت حصانك بتحارب مع جيش مهزوم
 كان فِكرك إن النصر فى صفك
 والرايه المرفوعه تدوم
 سيوف العدل بتتساقط يوم ورا يوم
 وانت المسكين فى ميدان مزحوم 
 واقف بالسيف بتلم جراح وهموم
 عمرك غمضت عنيك؟
 سلمت القلب للحب وهو الداء
 بتسمم دمك كاس ورا كاس وتقول ترياق!
 من وسط الكون واقف بتهون
 وانت المخلص والمشتاق
 عمرك غمضت عنيك؟ 
 قررت أنك ماتفتحها تانى 
 حتى ولو حيقولوا
 أنانى...

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر