العيد دونك

لـ ، ، في المناسبات والاعياد، آخر تحديث :

المنسابة: عيد الفطر 1431

قرّب حبيبي مدّ لي كف يمنآك
بحضن يمينك قبل لا تصد عنّي
لا تتهمني مقدر بيوم أنسآك
انت اللي نآسي لا تجي تتهمني
يا كيف بقدر اقضي عمري بليآك
وطيف حبك ضآيع اليوم منّي
الله مقوى بآسك الله مقوآك
ياللي عطاني كآس حبه وحرمني
أهديتك الورود واهديت الاشواك
واعطيت قلبك الوصال وهجرني
وانت اللي لو طلبتني قلت لك هآك
وانا طلبت الود وماحد رحمني
جرب ونآدي تلقى كل شي لبّآك
ولخاطرك يفزّ مليون جنّي
جلست أهذي بين ذيّه وهذآك
والحال صار من تدني ل/ تدني
والمشكله إن الخطا دايم اخطاك
والاعظم ان بك فؤآد ٍ ظلمني
وان قلت آسف قلت هالعيب عدّآك
وترجع تكرر الخطا اللي قهرني
لو ملّ قلبك قول يا فلان مبغآآك
وانا بروح بعيد وارتاح منّي
وبعتذر لك كانه العذر كفآك
أفرطت في عطائي وخآب ظني
والحين دام العيد جآني بليّآك
بعاف فرح قلبي وابقى بحزني
ويزورني هالضيق لا جات ذكراك
وبحتوي في قلبي همّ ٍ قتلني
بس سوي فيني الخير والله يحمآك
بالعيد لا تنسى تجيني وتهنّي
وارجوك قرّب مد لي كف يمنآك
بصآفح اللي صدّ عنّي امْتِعَنِّيْ

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين