أنا ..احبكـ

البارحة مرّت .. ولا ادري كيف مرت .. ياكرام
هي ليل .. والا صبح .. والا وقت خارج كوكبي

فيها من الصبح ابيضه .. فيها من الليل الظلام
فيها من حروف القصيد .. اللي يقل بس اطلبي

فيها قهر.. فيها بكا .. فيها فرح .. فيها انسجام
فيها عتاب بلا خصام .. ومذهبه من مذهبي

البارحه .. بدرٍ سهرت اسامره .. والليل نام
واسدل علينا النجم ضوّ .. من مرقبه ليمرقبي

وجهٍ .. في عيوني ملامح صورته .. تنثر ملام
وف/ صمته اسمع تمتمة حرفٍ .. ولا ادري وش يبي

اليا حكي ..تنصت له عروقي .. وتجتض العظام
واليا ضحك .. تكفي منه ضحكة .. وتسبيني سبي

تنأى به اقداره .. وتنأى بي مقادير.. ومقام
لكن قريب اقرب لروحي .. من عيوني .. لهدبي

بعده سهرت الليل .. لا صحوة أعيش ولا منام
مدري انا في واقع الدنيا ..أو اني مغتبي

اتخيله جا وابتسم لي .. ثم بادرني سلام
واتخيل اني جيت ارد .. وبادر الحكي ( اتهبي )

واني من اعماقي جمعت حروف .. من عام الفطام
كله عشان اقول له .. ذاب الكلام .. وخان بي

وان الحروف مهاجرة .. وحبال صوتي بانهزام
وان اللسان اللي تعرفه.. تااااه ماصار عربي

واتخيله يضحك يقل لي .. بس س س .. غرقتي اللثام
وانه فهم ( ذاب الحكي ) ذاب الحكي يامعذبي !

واتخيله طيّح لثامي .. وانسكب حكيي وقام
يجمع من شفاهي بعض منّه .. ويغمز .. مشربي

واتخيله يمسح على شعري.. واخذ بعضه خطام
قال اسمعي ..( بحرك انا .. دمي سفينه .. واركبي)

طوفي مدن صدري على كيفك .. وبنّي لك خيام
واستوطنيني .. واقرأيني.. واصرخي بي.. واعتبي

واليا قضيتي رحلتك .. واشرعتي ابواب الختام
مري على يسرى الضلوع .. اللي وراها تختبي

خلي بعضك بداخلي .. لاتجرحينه بالخصام
وارقي برجلينك الى ضلعٍ طليته .. بذهبي

واقري عليه (( انتي هنا مثل امنياتك بالتمام))
ماقلتي ان بخاطرك تقرين صدري وكتبي !!!

خلص خيالي .. وانكتب لا من خيال!! ولا حطام!!
من شي ولّج في حنايا الصدر .. يدبي به دبي

اتخيله يقرا .. يقول البنت صايبها انفصام
واتخيله يقرا يقل .. لبييييه سمي .. واقربي

متذبذبه .. بينه وبينه .. يا وهم يا انه هيام
ياني غبيّه في وهم .. يا إن ذا الواقع غبي

بس الأكيد .. اني في المجمل ابذكر ياكرام
انه رماني نبْل ما يخطيه ..طلّاب الظبي

واني وانا في غفوتي .. والنوم حطّ وردّ حام
قللي (( انا احبك )) تشابه نار ماظن تخبي

ماهي تشابه للكلام اللي يكمل .. للكلام
كلمة شعرت بأنها .. جتني من عروقه .. حبي

ماخْطَت .. من عروقه لياعروقي مثل رمي السهام
واسْتدّ منها كل عرقٍ شاب.. وتبدّل صبي

هذي ولو ينكر ولو حاول يكذبها .. حراااااااااام
ما اصدق انه ما قصدها .. لو يغادر كوكبي