عالم النسيان

توه يجيني ..يقول أمر وأنا حاضر
أستوعب الدرس ولاطاري ٍ فكره

مرتاح في غيبته عني على الأخر
حفرت في عالم النسيان له قبره

وأن قال مات الغلا في داخل الخاطر
أقول قبلك ترى قلبي نسى عشره

لاتحسبني على فرقاك مابادر
ماعاد تعنيلي الأصحاب والكثره

مادام صار الوفا في وقتنا نادر
بمشي على قاعدة ماأحب ماأكره

ألى متى ندمح الغلطات ونكابر؟
ألى هنا وأنقطع لمعاويه شعره

لاالوقت يرحم ولا قلب الغلا طاهر
لكن عرفت الحياه...بنظرتي خطره

ويوم الأمل طاح قدامي وأناناظر
ماتصرخ أوجاع في صدري من العثره

ضميت جرحي وقمت أعاتبه سامر
حتى كسبته صحيب ٍلي على الفطره

ماني من اللي مشى في دنيته عابر
لاطاب فعلي ردي الناس ماحقره

من يزرع الغدر قلي وش حصد باكر
ماغير الأمرين طايح قدر ٍ وحسره

ومن يرجي أوجيه خلق الله ترى خاسر
الناس ماعندها حل ٍ ولادبره

ياراوي الحلم هذي قصة الشاعر
سولف بها عند رجال ٍ عرف قدره