اه واويلاه من ساعة غروب

ألتقيت وياه ...في ساعة غروب
عشت لحظات ٍ بلا خوف وجل

مرني احساس مامثله طروب
لما خذني له ابشوق ٍعجل

التقينا ولا لنا وقت محسوب
لاشروط فيه ولاصابه خلل

التقيت باللي في حبه شحوب
من صدا ماض ٍ خيًًب له الأمل

لم لي قلب ٍ يعاني من ثقوب
في جدار عمره تروي ما حصل

استعنت باللي علام الغيوب
يشفي جرح له بلا كل ِ وملل

التقت عيني بعينه بلا خطوب
هلت الدمعه من فرح ٍأطل

هب نسناس ٍ ياله من هبوب
حامل ٍ وياه عطره واكتمل

اكتمل فرح ٍ في قلب يجوب
في سما روحه غرام ٍ مشتعل

لاح برقه لي شعشع في دروب
مملكة عمري وقلبي به احتفل

ناظر بعين ٍ ٍ بها ود تنوب
عن كلام الحب وترتيب الجمل

عبرته عيت والهرج محجوب
ما قوى يسال كيف هذا وهل ؟

آه واويلاه من ساعة غروب
سافرت بي فيه عن هم ٍ جلل

ودعتنا في حضن بدر ذروب
لفنا بنوره وغنى وابتهل

بنت المطر 19/3/1430ه