أنت المقيم بقلبي وغيرك اضيوف
أنت الحبيب اللي بقى بين زوار
مروا على قلبي كما حلوم وطيوف
وحطيتهم في رفّ بأرشيف الأفكار
عبدالعزيز العمْر والسمْع والشوف
يا وردة زادت حلا عن هالازهار
يا منّة الله يالعطا بذرة الجوف
يا مدة الوهاب علام الاسرار
يا خنجرٍ كاد العدو أنت يا سيوف
يا درعيَ الواقي بدورات الاقدار
ظروفي اللي جابتك زينها ظروف
طمنت بها روسٍ ورخصت بها اعمار
بكتب على هالشمس وارسم لك حروف
وأدوّن اسمك من وهج شمس وأقمار
أدعيك يا ربي وانا ارفع لك كفوف
أدعيك ليلي ثم دعيتك بالاسحار
لعل دربه بالتساهيل محفوف
ويكفيه ربي هالبلاوي والاخطار
عسى الولي يحفظ لي الراس والشوف
وأشوف لي سيفٍ مع الحق بتار !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.