صيحة يتيم - محمد احمد القبيضي

ياصاحبي لاتعتذر مال العذر عندي جواب
قررت أسافر وأبتعد عن ديره تمسي بها

ضاع الكلام اللي تقوله يوم قلبي في عذاب
وضاع الغلا ويا الوفاء وأثرك ماتهني بها

تغيب ولاتنشد بعد وأجيب لك العذر الغياب
وأقول خلي منشغل وضحك على نفسي بها

ياما وياما صحتلك صحية يتيم ٍ في هضاب
يصيح باعلا الصوت للعالم ولا أحد يجي بها

واوجودي وجد عود ٍ يطلب الماء ولايجاب
وجد الصغير اللي بغاله لعبة ٍ يلهي بها

وياوجودي كل لما يلوح برق ٍ في سحاب
قمت أتذكر ضحكتك والناس ماتدري بها

خلاص روح وأبتعد ماعاد لك عندي جواب
ولاعاد ترجي جيتي يمك ولاتحري بها

© 2024 - موقع الشعر