اخر زمن

لـ سعد الشقحاء، ، بواسطة سعد الشقحاء، في غير مُحدد

اخر زمن - سعد الشقحاء

دام أحدثوا في الامر بعض المظلين
كلن على هرجه يثبت وثاقه

مهيب كلمة راس من بين قوسين
الا كلامن بالعقل له علاقه

اقول حق ولو تثورالبراكين
مطلق نظروالصدر فيه أختناقه

مبصر وكني من حساب الكفيفين
في عتمتي والصبح بان ان شقاقه

اختل فهمي في حساب الموازين
ما عاد أفرق بين عاقل وعاقه

في واقعن ما عاد تصدق به العين
ما عاد فيه الراعي الصدق طاقه

وقتن تغير فيه كل المضامين
حتى العسل غير زمنا مذاقه

اخر زمن يا مدعي بالبراهين
نرضع عدوا الدين لجل السواقه

وأخر زمن اللي تام المصلين
تفتح بتأويلك من الجهل طاقه

وين احترام العقل وين الحكيمين
ردو عليه يا وجيه الرفاقه

ما دام حنا لفضل الحق هادين
وشلون نرضى بالجهل والحماقه

اللي عرف بالعلم عايش بوجهين
غر الجميع وصار قطاع ساقه

خالف نظام السير قدم الملايين
اللي تغض الطرف لطف والباقه

كم راح في دربه ضعوف ومساكين
اللي على الدنيا يديهم ارقاقه

خطاه واضح وأكثر الناس دارين
ليت المنافق فكنا من نفاقه

بعض اللحاء لا صارت تشوه الدين
ودك تعرضها لموس الحلاقه

الكاذبين الفين والصادق اثنين
واحد من الاثنين تبغا فراقه

تبوا الصحيح ان وقتنا واقعه شين
لا فيه صدق ولا وفي الصداقه

© 2024 - موقع الشعر