اخر فصول المهزلة - عبدالعزيز الفدغوش

اخر فصول المهزلة حال صدام
يجلب ذليل وخاضع للتعاليم

ما فاده التضليل وادوار الافلام
وصنع الاشاعة واحتياطه بتلغيم

حال التخفي لو مشى فيه مادام
لو رّهم اللحية بالاتقان ترهيم

بين الخفى وانزاح عن راس الاجرام
واصبح رهين القيد والسين والجيم

عقب التغطرس والتباهي بالاعلام
ذاق المذله واكتسى حلة الضيم

حلّ الدمار بعرش حظه ولا قام
ومما حصل يكفيه ذلٍ وتحجيم

مادام شرع للورى نهج الاعدام
يجني ثمر ما سن بين الاقاليم

يجني نتاج يدية واحلام الاوهام
اللي هوت به في جحيم التقاويم

دارت على الطاغوت دورات الايام
والله من الظلام ينصف مظاليم

يمهل ولا يهمل على مر الاعوام
حكمة ولي العرش تاج المفاهيم

© 2024 - موقع الشعر