غربةٌ في أوطانٍ مُشرعة ! - هتون الغيم

ياوطن .. لوّ الثواني في بعادك ماتمر
ما يعيش الطفل لامنه فقد معنى الحنان

لاجفيتك بجمع شتاتي وانادي للصبر
وش لقلبي غير صبري ياعنايه والزمان

يالأمان اللي تلاشى مع تصاريف القدر
يوم قلبي من سكنتك ماشكى من شيء كان

كان يجرحني سكوتك وابلع الكلمه قهر
وكنت اسولف لي كثيرعن هوا ذاك المكان

عن نسيمه لا لفح وجه العنا .. بعد السفر
واختفى كل التعب والهم في حضرة أمان

عن صباح الخير يافجرن تسامى وانتشر
بعد ماطال السهر بالعين واطراف اللسان

وكنت أفضفض للحنايا عن تفاصيييل العمر
يومها منك اكتست بالنور يانووور الكيان

وكنت اظن ان الحقايق في ضميرك تندثر
مادريت اصغر أموري في نظر عينك يبان

© 2024 - موقع الشعر