هذا المكان - سامي المطيري

هذا المكان اللي ابتدى حبنا فيه
يافرحة الخاطر ليا جيت حوله

اعاتب الحاضر على حلو ماضيه
الماضي اللي بالمحبه نجوله

نفهم مشاعر بعض والحلم نبنيه
احلام تبنا والمشاعر خجوله

هذا مكانن خابره دوم يأتيه
افرح بشوفه واترقب وصوله

واليوم اشوف الهم والحزن كاسيه
غاب الفرح من بعد ماغاب زوله

حتى المكان اللي سأل وين غاليه
يبغى كلام الصدق وازريت اقوله

باراني الغالي بهجره واباريه
وحققت بالهجران كاس البطوله

حاول وحاول مير ماعاد يمديه
جبر الخواطر ماتجي بالسهوله

تعبت ادافع عنه واصفح واجاريه
لين الجمل زادت عليه الحموله

لو ماملكته ماعطيته يكفيه
وانا يكفيني ملكت الرجوله

سامي المطيري
خمر الارياق

© 2024 - موقع الشعر